अकबर आणि बिरबल
एके दिनी बादशहाला
वाटले खावे खूप आंबे
महालात मग खाई तो
चवीने ते राणी संगे १
मस्करीची मग बादशहाला
येई जराशी लहर
टाकी मग सालपटे तो
राणीच्या पायाजवळ २
तेथे मग येता बिरबल
राजा बोले थट्टेने
माणसे किती हावरी, बघ
आंबे खाती पट्टीने ३
राणी किती खादाड म्हणून
काय तुला सांगु
सालपटांचाच ढीग बघ
लागलाय किती जमू ! ४
बिरबलही मग राजाची
गंमत करी जराशी
म्हणे, राणीपेक्षा आपणच
आहात खूप आधाशी ५
राणीने तरी रस चाखून
साली, कोयी दिल्या फेकून
आपण तर त्यासकट
सर्व आम्बे गेला खाऊन ६
बिरबलाच्या उत्तराने
हास्याची मग खसखस पिकली
म्हणती राजाराणी मग
आमचा बिरबल आहे अकली ७
(27.08.94)
7/25/2008
Subscribe to:
Post Comments (Atom)
No comments:
Post a Comment